Sjå heile F-35-høyringa i den amerikanske kongressen

I går var det høyring i forsvarskomiteen i den amerikanske kongressen om F-35. I det amerikanske systemet vert høyringar nytta til å oppdatere politikarane om viktige tema, mellom anna F-35, så det var ikkje nokon særskild grunn til at denne høyringa kom no. Denne gong sat generalløytnant Christopher Bogdan, sjef for det fleirnasjonale F-35-programmet og generalmajor Jeffrey Harrigian, sjef for integrasjonskontoret for F-35 i det amerikanske luftforsvaret i ein og ein halv time og svarte på spørsmål om alt frå utfordringane med setet, om motoren, om valet i Canada, og mykje meir. I videoen øvst kan du sjå heile høyringa, og under har eg laga linkar direkte til nokre av dei meir aktuelle spørsmåla.